終於被patreon解封！我回來了！而且更強！我又讀書了? 會員搶先了解

各位寶寶！抱歉要你哋久等了！呢幾日我比patreon suspend咗成個page? 經過來來回回多重嘅email交接（我同ChatGPT又再合作無間?）我Edit咗部份post嘅相片內容，而家平台表示我所有內容都合格，成個page返嚟了！不過部份比較激進嘅內容，例如打開下體、濕晒、刺激乳頭之類嗰啲，而家冇得直接放照片，我會再思量吓呢類相片喺邊度upload??? 非常感謝你哋一直嘅支持同等待！我亦都有個非常重大嘅更新同大家分享！

我唔係第一次比patreon 下架，之前發生過兩三次，我都係同平台好好溝通就處理好，所以今次，其實我都有信心可以好好處理。但係！大家都知，其實我一直都想轉軌道，一來社交媒體封殺越來越難做，二來我都想做更加有意義嘅事～?

今次patreon將我帳號停權，正正放咗我喺一個需要破釜沉舟嘅位置。各位，我宣佈，我而家讀緊一個Diploma，完成之後，我會成為一個性咨詢師? 

International Diploma of Clinical Sexology係得到美國、歐洲兩個性治療協會嘅認證，鞏固學員對於臨床性治療嘅方向同知識。係我做咗research之後，喺一大堆課程、學位、證書當中選擇嘅一個Diploma。雖然我冇心理學嘅背景，唔可以做「治療師」或「心理學家」，但喺香港，只要唔標榜醫療作用，呢一類嘅諮詢、講座、工作坊、排憂解困嘅服務，並唔需要考取專業資格。

因為今次嘅帳號停權，更加令我下定決心要轉型，好快就做完資料蒐集、報讀埋課程，仲已經開始咗上??‍♀️?? 只係兩三日，就已經完成咗 10%? 全個課程需要160小時嘅網上lecture + 8節supervison，課程內容係橫跨好多議題，包括男女性功能障礙、伴侶關係、LGBTQ、性歡愉、性癖好等等，暫時我都覺得啲教授非常有料，學咗幾日已經真心獲益良多，覺得自己嘅心理年齡又再老咗好幾歲，已經係一個51歲左右嘅中年人士???

我嘅目標係三個月內完全讀完課程（佢係遙距課程，可以按自己步伐一年內讀完），之後就可以開始做性諮詢師，類似therapy但不會這樣標榜。我好希望可以幫到啲性生活出問題嘅情侶、夫婦排憂解困，提供一啲實用嘅改變或溝通方向；亦希望可以幫性方面遇到問題、疑惑嘅個人，進行獨立諮詢。

其實咁多年來，我本身已經喺呢一方面有少少實戰、研究。首先我對性方面嘅資訊、價值觀等等一直都非常關注，一直都已經跟貼緊最新嘅各種研究、觀念、社會風氣等等。其次，由於我個人真係非常non-judgemental，就算你同我講超級怪異嘅性癖、講你同伴侶之間荒謬嘅相處，我基本上都係唔會批判，只會聆聽、需要時候跟你一起分析。所以咁多年來，我極多身邊嘅朋友，唔太熟嘅人，甚至只係網友/follower成日都搵我傾偈解困，傾相關嘅話題，並且佢哋都非常鍾意同我傾，亦覺得同我傾非常有用? 我覺得自己係非常適合、喜歡呢類工作。假若我再增進完知識、學習更專業嘅框架、Approach，加上我覺得幫人解決性方面嘅問題好有意義，我有理由相信我會做呢份工做得好好??‍♀️ 

偷偷地話埋俾大家聽，其實我中學嘅時候，本身就係想做呢類臨床心理學家，只不過考完個成績出嚟，發現仲高分好多，可以讀Law? 然後又被心理學嘅「統計」能力要求嚇親 （我數學不太好），最後先決定走去讀Law?

除咗性治療呢單嘢之外，我嘅森林浴導師資格亦就來考到，預計三月都一定會搞掂?另外亦都就快會考車牌? 呢段期間我會慢慢轉型，除咗繼續影相拍片，都會努力學習，令自己更適合服務呢個世界可愛嘅人兒們? 為大家忙碌憂慮嘅生活中帶來一點安慰????同時，我又可以一直做自己喜歡、認為有意義嘅事，而又能夠維生，咁我就好滿足?

好多謝一路上有你哋陪我????‍♀️??