新家出浴? 大屁屁注意?大家給點意見…？

大家覺得，我要不要減點脂啊？

是咁的，我教練成日話我可以減少少肥，原因係身體太重，都會阻礙肌肉生長? 同埋減咗一次之後，可以睇清楚而家底層嘅肌肉練成點?

我而家長年維持喺51/2kg左右，如果減嘅話，我會想試吓去到47/8，即係大概減4-5kg（10磅）左右。

我自己傾向係想試吓減嘅。除咗教練所講嘅原因，我本人亦有少少動機去減。主要係，我而家有時會覺得身體太重、負擔好大有少少辛苦，尤其對腳，我覺得好重，有時行路、做某啲動作/瑜珈/運動會明顯覺得有負擔。

呢件事好神奇，因為我60kg嘅時候，反而係冇呢種感覺。唔知係咪因為呢幾年嘅鍛鍊，令我個人對自己身體嘅狀況mindful咗、亦多咗參與不同嘅體力活動，所以留意多咗不同部位嘅感覺、活動力、變化，更容易感受到自己身體嘅不足。又或者可能係，我呢幾年年紀都老咗（60kg眨吓眼，都已經係4年前嘅事），會比較力有不逮都正常?

另一方面，其實我又有啲猶豫。因為我都真係幾鍾意肉地身材，之前由60kg變到50kg ，我已經有少少懷疑人生、少少質疑自己嘅價值? 如果再瘦落去，我可能一開頭會唔太鍾意自己身材，因為啲肉揈吓揈吓我覺得好性感，如果進一步減少啲肉，有機會會影響我自信??

其實呢個咩減到去47/8kg嘅想法，我2023年已經有諗過一次要實行，當時亦真係開始咗實行? 但失敗? 要承認失敗真係唔容易??? 不過當時我精神狀態都非常之差，焦慮問題好嚴重、日日瞓唔到覺又剩，應該淨係啲皮質醇都已經玩死我自己，所以當年嘅失敗並唔羞恥，可以借鑒??? 而家嘅我應該更加學識調整壓力，或許真係可以再試吓？

唔知大家又點睇呢？?