按著兩點? 心事台?開支也太大了?

各位寶寶好嗎？? 話說最近煩緊一啲事，第一件事係覺得自己搵唔到有意義又想做嘅事情☹️ 原本我做網黃、講性別議題，都叫有滿足感，但而家空間越嚟越細，加上後起之秀好多，我都覺得社會未必太需要我，我可以轉下軌道，但未係好轉到。

第二就係錢銀問題，呢個問題之下又分咗不同嘅問題。

首先，今個月淨係交稅都交咗6位數，原因並唔係因為我賺得多，如果我真係賺到，我心甘情願。但我而家只係無辜地不斷比稅局搞? 我仲讀緊大學、一賺到錢就已經報稅，所有收入支出，全部都係有晒銀行紀錄。我每年都有搵會計師報稅，但稅局得閒就懷疑我好耐之前少報，今年無啦啦追我6/7年前嘅數（當年已經交咗稅㗎啦）? 我當然反對，但就算反對，我都要率先嘔咗一嚿錢出嚟，到佢哋查清楚我係清白，先會退返? 以下是我和會計師的對話：

（我本身2019/20 年季度已經交咗唔低嘅稅，稅局而家再額外徵收$60,000? 然後我今個月亦都有交上年度嘅稅，折合淨係交稅都過咗$100,000?）

所以第一部份就係不斷面對政府部門嘅滋擾???

第二部份，係生活開支比較大嘅問題? 我最近計過一條數，我每個月唔飲唔食，淨係養媽媽、養監躉、供樓、保險、水電煤、管理費差餉，唔飲唔食，基本開支都已經起碼要$6萬✅ 如果計埋衣食行、養貓（上兩個月同隻貓睇病睇專科、最後佢離世要處理火化等等，都洗咗好幾萬）、得閒病吓、得閒又有突然開支（例如屋企有嘢壞、交贖金賄賂meta員工攞返IG）每個月除返開，平均每月真係可以使到$8/9萬甚至更多，計埋去旅行條數就更加大。

其實如果唔養媽媽、唔養監躉，每月可以慳返2/3萬? 但做人冇得咁㗎嘛? 而且呢個係我自己選擇嚟，孝順、情義呢啲，唔係得把口講，係有實實在在嘅代價?

其實有呢啲開支，都唔係問題，問題係而家經濟唔多景氣，我自己又唔出色，各方面嘅收入都唔算多（呢個我要努力），所以先會覺得負擔有啲吃力。如果我夠強，就算負起更多嘅責任，我都游刃有餘，咁就根本唔使擔心。問題只係我未夠叻、未夠堅毅、未夠聰明、未夠勤力，所以嚟緊我會繼續努力。

而且，生活使費方面，其實好多位都可以慳得就慳，所以我而家已經好少出去食啲咩好嘢、無謂嘢更加唔會買? 我多數情況下都係食啲$200樓下、幾十蚊一餐嘅嘢，一係就喺屋企煮。我自己亦冇咩娛樂使費，好多時候都為咗屋企人、啲貓而慳落嚟?

不過咁，自從我開展咗學習森林治療之後，我嘅物欲、食慾、追求新鮮感嘅需要都降低咗好多? 以前我真係會想買吓靚嘢、試吓新嘅餐廳去提升自己嘅情緒，試過一輪之後，而家覺得唔太需要呢啲嘢啦，仲反而會覺得係一種負擔? 而家嘅我簡簡單單去吓感受大自然，嗰種嘅精神舒緩係仲有效?? 但其實感受大自然，比起花錢去餐廳、買嘢，係更加奢侈?? 因為需要付出嘅係時間，唔係淨係講緊抽半日出嚟嗰種時間， 而係騰空時間以外，仲要有修練身心嘅長期付出? 我仲要持續學習中……

我嘅理想生活係點呢？

其實有時我覺得，雖然而家負擔都唔細，亦都有唔少嘅煩惱。但而家呢個moment，就係我嘅理想生活，我已經好感恩??? 但理想總係可以繼續推進，感恩、滿足之餘，我自己都有少少夢想想繼續達到：

1. 建立到自己網絡以外嘅事業，希望係有意義、幫到人、我喜歡、賺到錢

2. 希望身體可以一年比一年健康，呢啲都係要靠實際嘅規律飲食及運動去達到

3. 希望自己喺投資理財方面，可以做得更好更聰明，等我自己嘅財政結構可以更安全

好老實講，社會好似成日覺得做人要結婚、組織家庭。但我睇到嘅只係不斷疊加嘅責任、負擔。唔好話搵到一個同我能力相近嘅伴侶，淨係想佢顧得掂自己、唔好成為我嘅負擔都已經係萬幸? 我性格係大方、負責任、會照顧人，好容易永遠就係成為咗照顧者? 如果有個人經濟能力同我相若，而我哋又互相生理性喜歡、相處到、價值觀溝通到，我可能已經覺得可以即刻結婚生仔? 但現實係，緣份並未有令我遇上呢個人，所以我都係維持現狀，拍吓拖跟住做自己嘢最好了，可能真係冇組織家庭嘅緣份，或者要等到我嘅經濟能力超級強先得?

你哋自己又有啲咩目標呢？