赤柱 - 2019繼續秘密被捕（荒謬之都）

今日又約左張錦雄去赤柱探手足，我好小自己去，因為探還押手足有兩個位，所以約多一位唔好浪費啦！剛剛Ken仔最近因為未能取回社工牌而有小新聞小插曲。

約左11點赤柱見，見他笑容可掬，正明呢件事對佢都無乜影響，他說都預左政府唔會再發牌比佢，個重點係無刑事紀錄、無坐過監、無任何偷厄拐騙，只係一啲罰款紀錄，都可以失去社工資格。荒謬城市只會日日荒謬下去…… 讀緊社工前途如何？

好在手足已經係第三繭，八月正式開審，見他都很樂觀，今年只有廿五歲，由19歲YP/石壁/還押/赤柱/再荔枝角/而家赤柱都好幾年。非法集結/暴動/刑毀/傷人……希望佢三十歲前能完晒啦！祝福他！

探完再跟Ken仔午餐談談.，原來當年理大事件，有好多學生當年被抄低身份証，原來現在逐一秘密地被捕，據張錦雄說，現在在他手上資料，有幾位當年理大學生，現今正在還押中，就只係當年理大抄左身份証就放人，到了今日就同你算賬，用暴動罪控告你，這樣偷偷摸摸去拉人，同恐怖活動無異，走得就應該走。

一個沒有誠信嘅政府，點信得過？我地一把年紀，錢又無，工作能力低，想走 都無能為力。年青年應該向外發展，香港只會一真荒謬到滅亡為止！其實又有幾多秘密被捕而無人知？？